Problemas coa sinalización do Camiño de Santiago en Vigo
Problemas coa sinalización do Camiño de Santiago en Vigo
O Camiño Portugués da Costa está en auxe: no que levamos de ano percorrérono preto de 30.000 peregrinos
O problema atópano cando chegan a Vigo, onde reclaman melloras na sinalización
Co móbil na man, tratan de seguir a ruta do Camiño de Santiago ao seu paso por Vigo. Unha parella de California di que non atopa a sinalización doutras cidades. O mesmo contan outras peregrinas de Romanía.
Na zona vella da cidade, comerciantes e hostaleiros están acostumados a dar indicacións. Algúns negocios teñen sinalizacións nos escaparates.
Dende a Xunta organizaron unha etapa guiada o domingo 30 para que os galegos tamén coñezan a ruta. A delegada, Ana Ortiz, insite en que é unha "competencia municipal" e que "o resto de municipios si están ben sinalizados".
No que levamos de ano, 29.000 peregrinos percorreron este Camiño da Costa que atravesa Vigo dende Saiáns ata Teis.
