Rafa Nadal abandona Wimbledon pola lesión no abdominal

Rafa Nadal non optará ao seu terceiro Grand Slam. Nunha rolda de prensa confesou que non pode seguir competindo e decidiu abandonar Wimbledon pola lesión que sufriu no abdominal. 

Nadal ten unha rotura de sete milímetros que se produciu no partido de cuartos de final. Malia iso conseguiu sacar forzas e gañar o encontro en cinco sets. Tocáballe xogar a semifinal contra Kyrgios pero despois de probar e de facer as pertinentes probas médicas asegurou que así "é imposible gañar partidos".