Rajoy, tallante contra a amnistía: "É unha emenda á totalidade aos valores da democracia liberal"

Mariano Rajoy protagonizou por quinta vez unha das análises da actualidade do foro, desta volta con Sebastián Piñera. O expresidente popular sinalou que a defensa das democracias liberais é un dos principais desafíos, e advertía dalgún risco concreto, ao fío da investidura. 

"Unha decisión que de momento non nos consta que se tomase, pero que me pon moi nervioso. A amnistía é unha emenda á totalidade dalgúns dos aspectos máis importantes da democracia liberal: a igualdade e os Estado de Dereito", afirmou Rajoy.

Rajoy tamén dixo que o populismo é perigoso por contaxioso, un diagnóstico que comparte o expresidente chileno. "Qué é o populismo? Prometer cousas que fracasaron no mundo enteiro, que saben que non poden cumprir, que van ser pan para hoxe e fame para mañá", explicou Piñera na súa intervención.

Previamente o foro abordara a importancia da xestión dos datos e da intelixencia artificial. Entre os relatores, o conselleiro delegado de Inditex, Óscar García Maceiras, quen salientou o peso da información na toma de decisións: "Nós consideramos que nas nosas case 6.000 tendas temos 6.000 conselleiros delegados. Cada director de tenda ten que estar tomando decisións continuamente, e para ese proceso a información é clave".

Tamén a liberdade de expresión se analiza na Toxa. Esta tarde os expertos abordarán as regras fiscais de Europa.