A rede viaria recupera a normalidade despois dunha xornada de incidencias pola neve

Cargando resultados...

A rede viaria recupera a normalidade despois dunha xornada de incidencias pola neve

Publicador de contidos

Feijóo pide a dimisión de Sánchez e ofrécese aos socios do Goberno para "abrir unha nova etapa"

Publicador de contidos

A rede viaria recupera a normalidade despois dunha xornada de incidencias pola neve

Restablecido o tráfico na bifurcación O Burgo-Santiago, que afectaba aos trens que circulaban entre A Coruña e Betanzos-Infesta

Na provincia de Ourense hai aviso amarelo por vento con refachos que superaron os 100 quilómetros por hora en Manzaneda

A neve obrigou a manter cortado o paso de camións polo alto do0 Poio, en Pedrafita

G24.gal 26/02/2024 19:08 Última actualización 26/02/2024 21:52

O Subsector de Tráfico da Garda Civil de Lugo informou de que o tráfico para camións de transporte de mercadorías quedou aberto tras ser restrinxido durante case tres horas na Autovía do Noroeste (A-6) ao seu paso pola provincia, por mor da acumulación de neve na calzada.

En concreto, restrinxiuse o tráfico de vehículos pesados na autovía ao seu paso polos municipios de Pedrafita do Cebreiro e As Nogais. Os camións que transitaban pola A-6 foran detidos nos puntos quilométricos 479, 485 e 438 á espera de que se procedese á limpeza da vía.

Tamén en Pedrafita tivo que ser cortado o paso de camións polo alto do Poio, o que conduce ao Cebreiro. No interior de Lugo a neve provocou problemas nunha ducia de concellos dos Ancares e do Courel.

Tamén foi restablecido o tráfico na bifurcación O Burgo-Santiago, que afectaba aos trens que circulaban entre A Coruña e Betanzos-Infesta. A circulación puido reiniciarse.

Dispositivo viario invernal

A Deputación de Lugo informou de que o dispositivo viario invernal está a traballar en 70 estradas provinciais afectadas polas nevadas nas últimas horas, que discorren por 12 concellos.

Aínda que xa se pode circular por toda a rede provincial de estradas, o operativo despregado traballa para abrir todo o ancho dalgunhas vías que discorren polos municipios de Cervantes e Pedrafita do Cebreiro, onde a neve ten máis densidade. A institución mantén despregados 48 operarios e 32 máquinas e vehículos para paliar os efectos das inclemencias meteorolóxicas na rede viaria provincial.

Escolas afectadas

As dificultades para circular provocaron a imposibilidade de chegar a varios centros educativos da provincia de Lugo, tanto en transporte escolar como por parte do profesorado e o alumnado.

Concretamente, víronse afectados os seguintes centros: CPI Uxío Novoneyra do Courel, Uxío Novoneira de Pedrafita do Cebreiro, CEIP Concepción López Rey de Baleira no Cádavo, CEIP Plurilingüe Santa María da Fonsagrada, IES Fontem Albei da Fonsagrada e CEIP Eduardo Cela Vila de Triacastela.

Incidencias en Ourense pola neve

A neve tamén cubriu os cumios da provincia de Ourense. As folerpas caeron con forza, sobre todo durante a mañá, tanto no Macizo Central como no oriental. Nas aldeas situadas por riba dos mil metros o traballo das quitaneves foi fundamental.

A neve cubriu as montañas do centro e do leste da provincia de Ourense e obrigou a traballar arreo as quitaneves en zonas de alta montaña como Chandrexa de Queixa. O seu alcalde Francisco Rodríguez subliñaba que tiveron que limpar un 80 quilómetros de estradas que dan acceso ás distintas aldeas. Na rede viaria principal non houbo maiores complicacións.

Os termómetros caeron ata os catro graos baixo cero tanto na Veiga como en Manzaneda. A pesar da friaxe, moitos acudiron a gozar da neve. A estación de montaña de Manzaneda, pechada polos fortes ventos e a chuvia, reabrirá este martes novamente para a práctica do esquí tras unha xornada en que estiveron acondicionando as pistas.