Sánchez precisa o apoio de Junts tras perder o PSOE un escano en Madrid
Sánchez precisa o apoio de Junts tras perder o PSOE un escano en Madrid
Co reconto provisional do voto exterior, PSOE, Sumar, ERC, PNV, EH Bildu e BNG conseguen 171 escanos
O Partido Popular arrebátalles aos socialistas un deputado en Madrid e queda con 16 nesta circunscrición
Reconto do voto CERA en Murcia
O PSOE asume a perda dun escano por Madrid que obrigaría a Pedro Sánchez a buscar o si de Junts para unha nova investidura.
As xuntas provinciais continúan este sábado co reconto público do voto dos españois residentes no estranxeiro, o CERA, que pode modificar o resultado provisional coñecido o pasado domingo.
Segundo fontes próximas ás xuntas electorais, previsiblemente ata o domingo pola mañá non se coñeza oficialmente o resultado definitivo.
Polo momento, o Partido Popular obtería 16 escanos por Madrid e os socialistas baixarían a 10 por esta circunscrición.
Deste xeito, o PSOE quedaría con 121 escanos no Congreso e os populares con 137, polo que Pedro Sánchez precisaría un voto máis a favor para acadar a investidura.
Bloques
Segundo este resultado, a suma de bloques na Cámara Baixa sería de 172 para PP e Vox, contando coa incorporación de Coalición Canaria e UPN.
No outro lado, PSOE, Sumar, ERC, PNV, EH Bildu e BNG conseguen 171, polo que Sánchez precisaría do apoio de, polo menos, un dos sete deputados de Junts.
