Regueifeiros de toda Galicia xúntanse en Vilalba para manter viva esta forma de improvisación oral galega

A regueifa é a arte máis antiga da improvisación oral galega. Os novos regueifeiros son rapaces que encontraron nestes cantos un xeito de expresarse...
 

"Eu sinto felicidade, gozar do momento, e só me centro na emoción", di Sara, unha das novas regueifeiras. Para Alicia regueifar é: "Amosar que eu estou aquí e que estou orgullosa de ser quen son", explica Sara Novo.

Regueifan porque lles fai sentir ben e para....

"Revivir o noso idioma e demostrar que as tradicións non se teñen por que perder", explica Noa.

Os novos regueifeiros non so dominan a improvisación tamén innovan e exploran novos camiños como a mistura coa musica electrónica.
 

"É unha rapazada moi comprometida coa lingua e coa cultura", asegura Almudena Falcón, unha das promotoras do primeiro Campus de regueifeiros de Vilalba.

O importante é encontrar a fonte de inspiración...

"A min inspiroume a miña mestra de galego, porque ela cando non atendemos en clase regueifa", di Ismael.

Pola súa voz melódica elas son maioría pero eles tamén teñen o seu oco

"Cando regueifo póñome nervioso, pero logo síntome ben", di Miguel.

Neste primeiro campus houbo tempo para a improvisación, o debate e, sobre todo, para a diversión.