Remata sen acordo a xuntanza de xuíces e fiscais co Goberno

Remata sen acordo a segunda xuntanza do Goberno coas asociacións de xuíces e fiscais para negociar a mellora dos seus salarios. O ministerio de Xustiza puxo hoxe sobre a mesa unha oferta próxima aos 50 millóns de euros, repartida en subas de entre 350 e 490 euros mensuais.

As asociacións maioritarias rexeitaron a oferta. As partes volveranse reunir este mércores, seis días antes da data prevista para o inicio dunha folga indefinida.