Renacen as opcións de Samertolameu logo de recuperar cinco puntos nunha xornada
Renacen as opcións de Samertolameu logo de recuperar cinco puntos nunha xornada
Acabou de sétima na regata do domingo e aproveitou o grave erro de Santurtzi para volver a soñar coa salvación
Ares domina con man de ferro a Liga Galega
Todo parecía perdido para Samertolameu despois da regata en Getxo. A 12 puntos da salvación, unha marxe case insalvable agás unha milagre. E esa milagre chegou na xornada do domingo.
En Santurtzi o equipo local afundiu (nunca mellor dito), perdeu o piqueiro na primeira ceavoga (caeu ao mar) e acabou sufrindo na última praza. Samertolameu aproveitou a circunstancia e saiu a por todas. Chegou preto de Lekeitio e acabou asinando unha máis que meritoria sétima praza coa que recuperou 5 dos 12 puntos que tiña perdidos.
Xornada de domingo na @actraineras
— En Xogo tvG2 (@EnXogo_tvG2) July 30, 2023
👍 Propicia para Samertolameu. Acabou 7ª e aproveitou do 12º posto de Santurtzi que quedou sen piqueiro nunha ceavoga
📊 Estaba a 12 puntos de evitar o descenso directo e agora ponse a 7 pic.twitter.com/PzF5Qk0vru
Cabo quedou na oitava mantendo a súa liña de regularidade. Impúxose a Ondarroa nun grande esprinte final e a piques estivo de superar a Orio. Á fronte da liga mantense Urdaibai, que aguantou a presión dun mal sorteo e, malia perder un punto con Hondarribia, salvou os mobles.
Liga Galega
Na Liga Galega gañou Ares sumando a cuarta vitoria consecutiva, sétima nas últimas oito regatas. Impúxose a Chapela e a Bueu con oito segundos de diferenza e consolidou a primeira posición á fronte da competición.
Con só catro probas puntuables por disputarse no mes de agosto e 12 puntos de vantaxe parece imposible que ninguén lle quite o primeiro posto aos aresáns.
