Reparar a estrada do Courel levará arredor de ano e medio

Arredor dun ano e medio vai estar cortada a estrada entre Quiroga e Folgoso do Courel logo de desprendemento do pasado domingo.

A orografía e o tipo de solo complican uns traballos de reparación xa de por si difíciles. Uns douscentos metros de vía esborralláronse por causas que aínda se están a investigar, e agora os veciños de Folgoso teñen que dar grandes rodeos para saír da vila. Construír un viaduto, crear un túnel ou cambiar o trazado son as opcións da Consellería de Infraestruturas ante unhas obras declaradas de emerxencia.