Rescatado o corpo sen vida dunha muller de 88 anos no río Lameira de Marín
Rescatado o corpo sen vida dunha muller de 88 anos no río Lameira de Marín
A dificultade de acceso da zona onde apareceu o cadáver fixo precisa a intervención dos bombeiros
As forzas de seguridade investigan as circunstancias do sucedido
Os servizos de emerxencias rescataron este luns o corpo dunha muller de 88 anos que apareceu flotando no río Lameira, en Marín (Pontevedra).
Foi un particular o que atopou en corpo no río sobre as nove da mañá, segundo informou o 112 Galicia.
O cadáver da octoxenaria atopábase á altura dunha zona residencial situada na rúa do Souto, nas inmediacións do pavillón de Sequelo.
Ata o lugar desprazáronse bombeiros do parque comarcal do Morrazo, que protagonizaron un complexo rescate, xa que o corpo atopábase na zona de difícil acceso.
Tamén interviñeron neste operativo persoal sanitario do 061, voluntarios de Protección Civil e axentes da Policía Local de Marín e da Policía Nacional, quedando a investigación do suceso en mans destes últimos.
🔴#AXEGAInforma da localización do corpo dunha muller flotando no río, en Marín.
— 112 Galicia (@112Galicia) June 24, 2024
📍 Rúa Do Souto, no río Lameira
▶️ As forzas da orde investigan as causas do suceso.
🚨 Urxencias Sanitarias de Galicia-061, #BombeirosDoMorrazo, @policia, Policía Local e Protección Civil Marín. pic.twitter.com/aVKEl44cKG
A dificultade de acceso da zona onde apareceu o cadáver fixo precisa a intervención dos bombeiros. Ata o lugar acudiu ademais un médico que só puido confirmar o seu falecemento.
Polo momento, as forzas de seguridade traballan na investigación para esclarecer as circunstancias do sucedido.
A principal hipótese coa que traballan os investigadores é que a octoxenaria puido sufrir un mareo ou un esvarón que a fixese caer á auga.
