Rescatan con vida 120 persoas tras incendiarse un barco nas Filipinas
Rescatan con vida 120 persoas tras incendiarse un barco nas Filipinas
Todo parece indicar que o lume comezou na sala de máquinas e propagouse pola parte traseira
Un barco con 120 persoas a bordo incendiouse na rexión central das Filipinas, segundo informa a garda costeira do país. Grazas á colaboración de pescadores locais e os botes salvavidas, foron rescatadas sans e salvas.
Por causas aínda sen determinar, o buque MV Esperanza Star incendiouse nas augas da illa de Panglao, cando se dirixía á cidade de Tagbilaran.
"A Garda Costeira de Filipinas (PCG) prosegue coas operacións de extinción de incendio e rescate en resposta a un incidente marítimo que involucrou un buque de pasaxeiros e carga", detallou a institución.
En vídeos e imaxes compartidos polos rescatistas nas redes sociais, é posible ver o buque en lapas e unha espesa parede de fume, mentres outras embarcacións tentan conter o lume.
De acordo coas primeiras informacións, todo parece indicar que o incendio comezou na sala de máquinas e propagouse pola parte traseira.
Incidentes usuais
As Filipinas conta cunha frota deficiente e escasa polo que os amontoamentos e os incidentes nos transbordadores son habituais.
A finais de marzo pasado, un grave incendio nun transbordador no sur do país deixou máis de 30 persoas mortas. Outras 230 foron rescatadas con vida.
.png)
.png)