Rescatan en Tordoia unha aguia que non podía voar por ter mancada unha das ás
Rescatan en Tordoia unha aguia que non podía voar por ter mancada unha das ás
Xestionaron o seu traslado ao Centro de Recuperación da Fauna Salvaxe de Oleiros
No Centro curánlle a rotura e faranlle rehabilitación ata que volva voar para soltala
A colaboración cidadá é fundamental para alertar sobre casos de animais feridos. Unha veciña de Tordoia puxo estes días todo o seu empeño para que unha aguia que non podía voar puidese chegar a un centro de recuperación de fauna salvaxe.
Lili atopouse co paxaro nun dos seus habituais paseos polos arredores da vila. Tentou achegarse ao animal para rescatalo, pero a tarefa non foi fácil.
"Tentei calmalo e ilo tocando, pero picaba..., e acordeime dun documental no que vira que lle tapaban os ollos aos falcóns e ás aguias para que non se asustasen e púxenlle o meu xersei e foi cando puiden agarralo".
Xa na casa do seu amigo Manuel tentaron ver se o animal se recuperaba. Visto que non remontaba, xestionaron o seu traslado ao Centro de Recuperación de Fauna Salvaxe de Oleiros.
