Reservas por riba do 80 % durante toda a ponte na Ribeira Sacra
Reservas por riba do 80 % durante toda a ponte na Ribeira Sacra
A chuvia non disuade os turistas, equipados con paraugas e chuvasqueiros nas súas visitas aos mosteiros
Os paraugas brotan coma cogomelos na Ribeira Sacra. Pero a chuvia séntalle ben a esta paisaxe de pedra e auga e aos turistas non parece preocupalos moito.
"A min paréceme máis romántico", comenta unha.
A ocupación media, sen contar posibles reservas de última hora, está no 82 %, pero hai aloxamentos ao completo.
"Nós estamos a tope, tanto o aloxamento como en restauración", explica Yolanda Jácome, propietaria de O Balcón da Ribeira.
Coa chuvia, as sobremesas alóngase máis do previsto. "Moi contentos, porque vén a xente e nós facemos o que nos gusta, que é darlles de comer, facer a xente feliz e que pasen unha boa experiencia", asegura Iago Vázquez, camareiro do restaurante O Curtiñeiro.
E para concluír, ou para empezar, segundo conveña, un paseo en catamarán, que tampouco se espanta ante a tan agardada chuvia.
