Preocupación entre os comerciantes de Ourense polo incremento dos roubos
Preocupación entre os comerciantes de Ourense polo incremento dos roubos
Segundo os datos policiais, denunciáronse 81 asaltos en seis meses, a taxa máis alta da década
Os afectados din que son aumentos puntuais e non ven necesario aumentar as medidas de seguridade
Logo de abrir un burato no vidro coa tapa dun sumidoiro, o ladrón intenta acceder ao escaparate dunha xoiería localizada nunha céntrica galería comercial de Ourense. Foi o roubo máis violento e espectacular dos últimos meses. Pero houbo máis na contorna. Neste salón de peiteado forzaron a porta e colleron o que puideron.
Os asaltos prodúcense en moitos casos a plena luz do día, sen importarlles aos autores os dispositivos de vixilancia. Entre os comerciantes aumenta a preocupación e o temor.
Segundo os datos policiais, en medio ano denunciáronse 81 roubos en comercios do centro da cidade. Sae a tres por semana, a cifra máis elevada nunha década. Aínda que os afectados sinalan que se trata de incrementos puntuais.
Con todo, o sector do comercio asegura que a vixilancia policial é suficiente e que non ven necesario incrementar as medidas de seguridade xa instaladas.
