A circulación na A-52 quedou xa restablecida as dúas da tarde
A circulación na A-52 quedou xa restablecida as dúas da tarde
Prevén que poida recuperar a normalidade nas próximas horas
A autovía que une Ourense coa meseta xa recuperou a normalidade. A Dirección Xeral de Tráfico (DXT) comunicou un novo corte na A-52 para acondicionar o firme despois de que o domingo quedara afectado polo incendio dun camión.
En concreto, o corte afectou esta vía á altura da localidade zamorana de Padornelo, en sentido Vigo, segundo confirman desde o Centro de Xestión de Tráfico.
Aínda que se abrira a última hora, desta mañá o operativo de mantemento de estradas do Estado volveu á zona para acondicionar o firme afectado polo accidente, polo que se volveu cortar. E tamén porque reaviváronse as lapas do vehículo e tiveron que sufocalas.
A Garda Civil estivo a desviar os vehículos que circulan en dirección a Galicia pola nacional. segundo a previsión o tráfico na autovía quedou restablecido contra o mediodía.
![](https://img-g24-crtvg.flumotion.com/prog24/2023/20230828/20230828IncendiA52.png)
Un incendio que causou importantes retencións en dirección a Madrid
Durante a tarde do domingo houbo importantes retencións tanto na A-52 como na estrada N-525, aínda que se recuperou a normalidade pola noite.
O incendio do camión sobre as 5:30 horas da madrugada de onte á altura do termo municipal de Lubián (Zamora) fixo que durante toda a xornada estivera cortada a A-52 entre os quilómetros 107 e 117 e establecéronse desvíos alternativos a través da estrada Nacional 525, tamén colapsada.
Iso provocou retencións na circulación de vehículos en sentido Benavente nun tramo duns vinte de quilómetros, entre A Gudiña, en Ourense, e Lubián, en Zamora, mentres que en sentido Galicia non houbo conxestión do tráfico.
O camión incendiouse nun tramo en que había obras nunha das calzadas e a circulación en ambos os sentidos realizábase pola outra, o que fixo que o corte da autovía fose total.
Esta incidencia de tráfico prodúcese un día antes de que este luns comecen as obras noutro tramo desta autovía da provincia de Zamora, entre os quilómetros 16 e 26, o que fará que a circulación nese tramo realícese en ambos os sentidos pola mesma calzada.
![](https://img-g24-crtvg.flumotion.com/prog24/2023/20230828/20230828IncendioA52.png)