Román Rodríguez di que o reforzo educativo proposto por Sánchez rectifica a Lomloe

O conselleiro de Educación, Román Rodríguez, cre que o plan reforzo proposto por Pedro Sánchez é unha rectificación da política educativa do PSOE como consecuencia dos seus malos resultados.

O conselleiro pídelle ao Goberno central que consensúe o novo modelo coas comunidades autónomas. "É unha rectificación absoluta porque se dá conta de que o que todo aquelo que lle dixemos foi certo. Sempre criticamos a Lomloe, e a definimos como a lei do 'que máis dá'. Ao final o resultado aquí está, non daba igual o que propoñía, porque reducía o esforzo".

Rodríguez fixo estas declaracións dende o Centro Galego de Innovación de Formación Profesional Eduardo Barreiros, en Ourense. O conselleiro visitou este centro de referencia da FP en compañía da súa homóloga na Junta de Andalucía. Os dous coincidiron na relevancia desta formación pola súa elevada inserción laboral.