Romanos e castrexos danse cita de novo no Friulio

As beiras do río Narla serán de novo testemuña das escaramuzas entre os romanos e os castrexos. Chega o Friulio, unha festa que vai facer que Friol retroceda 2.000 anos para recrear como era a vida naquela época.

Un Friulio no que van participar este ano máis de 500 persoas pertencentes a 30 colectivos de toda España. Todos eles ultiman preparativos para unha longa fin de semana na que non van faltar obradoiros cos oficios tradicionais.

Tampouco os xogos populares, a gastronomía e a música tradicional e ata un descenso polo río Narla. Un dos momentos máis agardados é o asedio ao castro celta por parte da tropas romanas, que porá fin á xornada do sábado.