Romaría da Virxe do Faro: "É o momento de vir ofrecerlle á Virxe este sacrificio"

8 de setembro, e como manda a tradición, no monte Faro hai romaría. Os fieis á nosa señora do Faro volveron mostrarlle a súa devoción subindo a pé o monte ata a ermida, onde a Virxe recupera o seu sitio durante 3 días.

Subírona este mércores e mañá volverá á súa parroquia de Requeixo. Para vela hoxe hai que subir unha boa costa pois a ermida está a máis de 1.000 metros de altura. Pero así son as promesas.

O ascenso faise con paradas nas estacións do viacrucis e hai quen o fai de xeonllos.

A mañá estivo chea de actos litúrxicos, pero na tarde imponse a parte máis lúdica da romaría.