Rubén Albés non seguirá como técnico do Lugo a próxima temporada
O adestrador e o club separarán os seus camiños tras un período compartido, comprendido entre a recta final da campaña 20-21, e a temporada 21-22
O Lugo informa que Rubén Albés non seguirá como técnico do equipo a próxima temporada.
O adestrador e o club separarán os seus camiños tras un período compartido, comprendido entre a recta final da campaña 20–21, e a temporada 21–22 na súa totalidade. Conseguiron nos dous casos a permanencia e consolidación do equipo na Liga Smartbank.
Albés recoñeceu que foi unha decisión persoal:
"Entendo que o meu ciclo no Lugo, onde fun feliz e respectado, debe finalizar con dúas permanencias. Isto implica moito desgaste. Involúcrome moito co club emocionalmente. Non continúo desde o agradecemento"
|OFICIAL|📋
— Club Deportivo Lugo (@CDeportivoLugo) May 19, 2022
👉@RubenAlbes deixará o banco do #CDLugo ao termo da presente tempada
▶️ https://t.co/vEsagoFbWy #ForzaLugo pic.twitter.com/6eS1waafUp
Rubén Albés mandoulle tamén un recado á afección:
"Perdeuse o valor do que significa que o club estea en 2ª. Tiven envexa do ambiente no Breogán. Hai que ser conscientes de que somos o 2º equipo de Galicia, o que máis tempadas leva na 2ª. Perdeuse a ilusión pola 2ª""
