Rueda presenta a primeira planta pública de Galicia para tratar residuos téxtiles

A futura planta de reciclaxe de residuos estará situada nestes terreos a carón de Sogama, en Cerceda. Estará rematada no segundo semestre de 2026 e vai permitir preparar ata 24.000 toneladas de roupa ao ano. 

A directora xeral de Sogama, Mirta Sueiro explica que se va vai facer "unha primeira clasificación para retirar o que non é téxtil e tamén as pezas que sexan aptas para segunda man, e a continuación se vai clasificar de forma automática por composición e por cor"

A Xunta inviste 25 millóns de euros na planta de reciclaxe téxtil. Alfonso Rueda destacou que se trata dun proxecto pioneiro, polo que xa se están interesando outras comunidades:  "A reciclaxe téxtil é un problema a nivel mundial, unha necesidade. Moitas comunidades están preguntando como fixemos este proxecto que todo o mundo vai ter que facer. Galicia, unha vez máis a través de Sogama, volve ser pioneira". "Seguiremos avanzando nesta Galicia verde", aseverou Rueda.

Dende o 1 de xaneiro deste ano os municipios teñen a obriga de facer a recollida separada de residuos téxtiles. Alfonso Rueda dixo que o Goberno galego traballa a carón dos concellos para facilitar a xestión e avanzar na economía circular.