Rueda reafirma o compromiso da Xunta co sector viño

Alberto Núñez Feijóo e Alfonso Rueda reafirmaron o seu apoio ao sector do viño, un dos máis afectados polos aranceis de Donald Trump. Dixérono nunha visita á adega Paco y Lola, en Meaño. Pídenlle a Pedro Sánchez que poña en marcha incentivos fiscais e apoios económicos.

O presidente da Xunta asegurou que o sector do viño pode contar co apoio do Goberno galego. 

"Hai que estar aí fronte ás ameazas, que son reais agora mesmo. Esperamos que non se cumpra todo o que se aventuraba. Pero nós xa reaccionamos, a Xunta puxo enriba da mesa 50 millóns de euros para préstamos flexibles", matizou.