Rusia acusa os EUA de instigar o presunto intento de asasinato a Putin

Rusia acusa os Estados Unidos de estaren detrás do presunto intento de asasinato do presidente Putin, tras o ataque con drons ao Kremlin. Unha acusación que rexeita a Casa Branca, que acusa os rusos de mentiren.

No medio do cruzamento de acusacións, Ucraína denuncia que está sufrindo unha intensidade de ataques non vista desde principios de ano. Por terceiro día consecutivo, as defensas antiaéreas ucraínas neutralizaron unha trintena de drons rusos con explosivos.