Sánchez garante o apoio a Ucraína "o tempo que faga falta" sen importar o "prezo"
Sánchez garante o apoio a Ucraína "o tempo que faga falta" sen importar o "prezo"
Sánchez, ante o Parlamento ucraíno: "Só Ucraína pode establecer os termos e tempos para a negociación de paz"
O presidente español anunciou o envío doutros catro tanques Leopard e de vehículos blindados para o transporte de tropas
Comprometeuse a unha nova axuda de 55 millóns de euros e a continuar subministrando armas e deulle o seu apoio á entrada do país na UE
O presidente do Goberno español, Pedro Sánchez, anunciou este sábado durante a súa visita a Kíiv que España enviará a Ucraína outros catro tanques de combate Leopard e vehículos blindados de transporte de tropas.
"Enviaremos moi pronto novo material militar pesado, serán catro tanques Leopard máis e vehículos blindados de transporte", dixo Sánchez nunha rolda de prensa xunto ao presidente ucraíno, Volodímir Zelenski.
España xa enviou a Ucraína outros seis tanques Leopard que foron anunciados durante a visita que fixo Sánchez a Kíiv no mes de febreiro. Sánchez xa apuntou entón a posibilidade de enviar outros catro tanques.
Pedro Sánchez @sanchezcastejon, Mr. Prime Minister, thank you for your important visit and support of our people!
— Володимир Зеленський (@ZelenskyyUa) July 1, 2023
It is extremely symbolic that this visit takes place on the very first day of the Spanish Presidency of the EU. Our common European home cannot be imagined without… pic.twitter.com/PgiRBd3iyN
Sánchez ante o Parlamento ucraíno: "Europa está convosco"
"Estou moi agradecido de estar hoxe aqui nesta xornada tan especial para o meu país. España asume este 1 de xullo, a gran responsabilidade de dirixir a presidencia de quenda do Consello da Unión Europea durante o próximos seis meses”,comezou Sánchez.
“E quería que o primeiro que fixese no meu novo posto fora dirixirme ao pobo de Ucraína a través do seu Rada. Quería dicirvos que estamos e estaremos convosco o tempo que faga falta. Quería dicirlles que apoiaremos a Ucraína sen importar o prezo para pagar. Que estaremos convosco na consecución das vosas aspiracións de ser un país libre e soberano que decida o seu propio destino como membro da familia europea”.
Sánchez, que está a falar en inglés, engadiu: “Só Ucraína pode establecer os termos e tempos para as negociacións de paz. Outros países e rexións están a propoñer plans de paz. A súa participación é moi apreciada, pero, ao mesmo tempo, non podemos aceptalos por completo. Esta é unha guerra de agresión, cun agresor e unha vítima. Non poden ser tratados por igual. E ignorar as regras de ningunha maneira debe ser recompensado. Por iso apoiamos a fórmula de paz do presidente Zelenski, respectuosa co Dereito Internacional e a Carta da ONU”.
Sánchez anunciou unha nova achega de 55 millóns de euros, “incluída a oferta de 51 millóns de euros a través do Grupo do Banco Mundial para axudar a financiar pequenas e medianas empresas en Ucraína, así como catro millóns de euros ao Programa das Nacións Unidas para o Desenvolvemento para dotar ás escolas de Ucraína de escolas ecolóxicas e sistemas enerxéticos resilientes”.
