Sanidade comprométese a ampliar o cupo MIR "coa maior celeridade"

O Ministerio de Sanidade informou este luns de que publicará unha orde ministerial que permitirá ampliar en 545 prazas a cota extracomunitaria do MIR para lograr cubrir as 217 que quedaron vacantes e asegurou que o fará "coa maior celeridade posible".

Unha proposta que aprobou a Comisión de Recursos Humanos do Sistema Nacional de Saúde, na que participaron a ministra de Sanidade, os conselleiros competentes nesta materias das comunidades e o resto de ministerios implicados.

Segundo informa Sanidade, a proposta aprobada supón unha modificación da orde ministerial que aprobou a oferta de prazas o pasado 8 de setembro e que agora permitirá ampliar a cota de prazas extracomunitarias que aprobaron o MIR ata as 545 en total.

Con esta orde poderanse adxudicar as 217 prazas vacantes "ao non poderse aplicar á praza vacante dun centro privado con conformidade previa de acordo coas bases da convocatoria".  Sanidade explica que se publicará no Boletín Oficial do Estado "coa maior celeridade posible" e, sete días despois da súa publicación, o Ministerio ditará unha resolución convocando os aspirantes aos actos de adxudicación de praza e determinará o prazo de toma de posesión da praza adxudicada, "que se realizará o máis axiña posible".

Este ano ofrecéronse 8.188 prazas MIR e quedaron vacantes 217 (a maioría de medicina familiar e comunitaria), o cal supón un 2,66 % das prazas ofertadas.