Sanxenxo celebra o seu campionato mundial de colchóns inchables

Decenas de persoas participaron este domingo no XIII Campionato Mundial de Colchóns Inchables que se celebra cada 30 de xullo na praia da Panadeira, no concello de Sanxenxo.

A carreira, en que chegar en primeira posición carece de importancia, destaca polo colorido dos artefactos boiantes e a vestimenta das súas tripulacións.

O areal, moi próximo ao Real Club Náutico onde compite o emérito esta fin de semana a bordo do Bribón, encheuse de visitantes que quixeron gozar do espectáculo.