Shakira, a xuízo acusada de defraudar 14,5 millóns de euros

Unha xuíza de Esplugues de Llobregat acordou enviar a xuízo a cantante Shakira por seis delitos contra a Facenda Pública, polos que a Fiscalía lle pide en total oito anos e dous meses de cárcere e unha multa de 23, 8 millóns de euros.

A titular do xulgado de instrución número 2 de Esplugues resolveu a apertura de xuízo oral á cantante colombiana para que sexa xulgada na Audiencia de Barcelona, acusada de defraudar 14,5 millóns de euros entre os anos 2012 e 2014, simulando que non residía en España.

O equipo que se encarga da defensa de Shakira destacou que o auto de apertura de xuízo oral é un "paso máis" en calquera proceso "habitual" desas características e agregou que a situación non cambiou, xa que todo segue "o seu curso normal".

O equipo legal da cantante colombiana subliña que fará o seu traballo pronunciando os seus argumentos "no momento oportuno", a través do escrito de defensa.

O auto é firme e non se pode recorrer. O que falta é poñer a data para que a vista se celebre.