Sober conta cun belén de figuras feitas por un centenario que as doou ao Concello
Sober conta cun belén de figuras feitas por un centenario que as doou ao Concello
As pezas, de madeira, están inspiradas en veciños do autor
Recrea escenas propias da Ribeira Sacra, coma un carro con uvas ou unha banda de músicos
É o belén oficial do Concello de Sober. Instalado no centro sociocultural, é unha doazón dun veciño, que é o autor das pezas, e que morreu este verán aos 101 anos.
A montaxe do Belén é rechamante, porque inclúe figuras moi curiosas, coma unha banda de música, un carro con uvas ou uns Reis Magos con boina e sombreiro, porque non hai que esquecer que este belén aparte de orixinal está inspirado na Ribeira Sacra.
Está composto por cen pezas talladas en distintas madeiras. Este ano, a montaxe inclúe coma novidade unha maqueta da Casa Consistorial, doada tamén pola familia do autor das pezas. Un belén orixinal que xa é un símbolo identificativo do Nadal de Sober.
