Susana Rodríguez Gacio abandona a Copa de Europa de Paratríatlon por unha caída

Malas noticias as que chegan da proba da Copa de Europa de Paratríatlon, que se disputou na praia de Samil, en Vigo.

Susana Rodríguez Gacio tomaba parte preparando os Xogos de París. Pero non puido rematar o percorrido. Sufriu un accidente xunto á súa guía no sector da bicicleta e tiveron que ser levadas a un hospital, onde se descartaron lesións importantes. Pero as deportistas teñen queimaduras pola alta velocidade á que caeron. A causa da caída foi a perda de presión nunha das rodas do seu tándem.