Támara Echegoyen gaña o bronce no Mundial de 49er FX
Támara Echegoyen gaña o bronce no Mundial de 49er FX
Terceira medalla para a galega despois dos ouros acadados en 2016 e 2020
A viguesa Patricia Suárez conseguiu o sexto posto
A regatista galega Támara Echegoyen, coa súa compañeira Paula Barceló, apañou a medalla de bronce no Mundial da clase 49er FX. É a terceira medalla para Echegoyen despois dos ouros logrados no 2016 e no 2020.
Despois do cuarto posto nos últimos Xogos Olímpicos tiña pensado deixar a vela olímpica pero acabou por iniciar un novo ciclo olímpico cara a París 2024 que non puido principiar de mellor xeito. O ouro foi para a parella dos Países Baixos Van Aanholt-Duetz (Van Aanholt xa fora medalla de ouro en 2021) e a prata marchou cara a Suecia.
Tamén meritoria foi a actuación da viguesa Patricia Suárez. A carón de María Cantero logrou un gran sexto posto, a só dez puntos da cuarta praza.
