Tanto camións coma turismos terán que atravesar desde agora o núcleo de Pedrafita para ir á Meseta
Tanto camións coma turismos terán que atravesar desde agora o núcleo de Pedrafita para ir á Meseta
É unha modificación que fai o Ministerio de Transportes para avanzar nas obras do viaduto do Castro
Supón eliminar un desvío que tiña un doce por cento de pendente, pouco práctico para os camións
Desde esta fin de semana, tanto os camións coma os vehículos lixeiros teñen que atravesar Pedrafita do Cebreiro para dirixirse á Meseta. A circulación reséntese porque supón facelo a través dun núcleo urbano.
Este cambio implica a eliminación do desvío alternativo que habilitara o Ministerio de Transportes, que tiña unha pendente do doce por cento e que non resultaba práctico para os camións.
A saída de Pedrafita cara á Meseta segue facéndose pola estrada N-6, ata o quilómetro 428, onde se retoma a autovía. Durante seis quilómetros o tráfico será compartido por ambos os sentidos de circulación.
É unha medida provisional, ata que o Ministerio de Transportes remate a última fase das obras, que supón a apertura do viaduto do Castro en sentido Madrid.
.png)
