Terceiro roubo en tres meses na capela de Santa Rita de Boiro
Nesta ocasión levaron dous rosarios e unha cruz de madeira e intentaron forzar o peto para levar as esmolas
O santuario de Santa Rita en Ponte Beluso, en Boiro, leva anos sendo destino de devoción de moitos fregueses que acoden a diario a levarlle as súas ofrendas. Pero tamén atrae aos que non teñen tan boas intencións. A semana pasada en dúas noites seguidas levaron dous rosarios, unha cruz de madeira que tiña a santa na man e intentaron forzar o cepillo das esmolas.
Dáse a circunstancia de que hai un par de semanas a Garda Civil de Boiro logrou recuperar dúas imaxes da Virxe de Santa Rita e outros obxectos relixiosos que foran subtraídos da capela. Recuperáronas tras identificar e deter o presunto autor do roubo, un veciño de Lousame. O home xa está en liberdade e as sospeitas apuntan cara el de novo.
Os fregueses xa non saben que facer para protexer o santuario da acción dos delincuentes
A impotencia invade aos devotos de Santa Rita.
