Tosic: "O ambiente de Riazor é incrible, un dos mellores que vivín"

 "Divertinme moito esta fin de semana, porque o ambiente no estadio é incrible, un dos mellores que vivín. Estou moi contento de conseguir unha importante vitoria e cos meus compañeiros de equipo".

Afirmouno o serbio Nemanja Tosic na súa presentación como novo futbolista do Deportivo, ao que se incorporou nas últimas horas do mercado de inverno. O novo lateral esquerdo branquiazul, que tamén pode desenvolverse como central, destaca polas súas condicións físicas e compleméntase coas calidades de Rafa Obrador.

Tosic, de 28 anos, afirmou que non se pensou dúas veces a proposta do Deportivo.

"Estou moi emocionado coa posibilidade de vir. Dixéronme de axudar ao equipo no lateral esquerdo e estou moi feliz de facelo así. Cando un club tan grande vén a por ti, non o pensas dúas veces e aceptei de forma inmediata", explicou o futbolista.

Tamén se referiu ás súas primeiras impresións no vestiario.

"Todo o mundo é moi profesional e traballa moito. Quero dar o mellor cada día".

O novo futbolista do Deportivo insistiu en que está preparado para xogar, malia que apenas dispuxo de oportunidades no Zúric.