Tres estradas de Galicia, entre as máis perigosas do estado

Unha estatística negra que confirma a perigosidade da A-55, que un ano máis encabeza a lista na provincia de Pontevedra. 

E parece que as cousas no van cambiar durante este ano. A autovía que conecta Vigo co Porriño e Mos volverá bater marca con case 300 accidentes rexistrados ata o mes de novembro, o que supón unha media de practicamente un sinistro por día. 

Xunto á A-55, a N-550, tamén en Pontevedra, súmase á lista das estradas máis perigosas de Galicia. Concretamente, no acceso a Redondela acumulou 80 sinistros o ano pasado. A terceira vía con máis sinistros en Galicia é a AC-552, que conecta A Coruña con Cee a través de distintos concellos da Costa da Morte. 

Segundo o informe, aínda que a maioría dos accidentes se producen en vías urbanas, os rexistrados nas interurbanas soen ser máis graves debido á velocidade. A DXT destaca, ademais, que unha gran parte dos sinistros teñen lugar en vías fluídas e en bo estado.