Triplica a taxa de alcol o chofer dun bus que levaba un equipo de fútbol sala con menores

Axentes da Policía Local de Ferrol localizaron o pasado 24 de xaneiro ao condutor dun autobús que deu positivo na proba de alcolemia cando transportaba a máis de 50 pasaxeiros, moitos deles menores de idade, que viaxaban nun servizo discrecional con destino á provincia de Pontevedra que trasladaba a un equipo de Fútbol sala.

Os axentes desenvolvían un control de drogas e alcol, entre as 22,30 e as 00,10 horas, na estrada de Castela, á altura da ponte das Cabras, limítrofe co municipio de Narón, cando deron o alto ao condutor profesional.

Tras sometelo á proba co etilómetro, a primeira delas lanzou un resultado de 0,53 miligramos de alcol por litro de aire expirado, cando a taxa máxima permitida para estes condutores é de 0,15 mg/l.

Na segunda proba lanzou unha taxa de 0,52, polo que se lle tramitou unha denuncia administrativa, ao non superar a taxa de 0,60, que xa sería considerado delito, e sería a autoridade xudicial a encargada de poñer a sanción.