Turistas españois que chegan de Marrocos lembran as horas máis duras

Varios voos chegaban ao aeroporto Adolfo Suárez, en Madrid, procedentes de Marrakech. Os turistas españois que aínda tiñan folgos para falar coa prensa contaban a mesma historia.

A maioría estaba ceando ou nos cuartos dos hoteis do centro da cidade cando, sorprendidos polo sismo, tiveron que botarse a correr e buscar algún lugar aberto.

Todos aseguran que nesta viaxe, máis ca en ningunha outra, o importante é estar xa na casa. Todos contan que deixan atrás un centro de Marrakech completamente destruído.