Un ano despois dos incendios de Valdeorras, algunhas casas calcinadas xa están restauradas
Un ano despois dos incendios de Valdeorras, algunhas casas calcinadas xa están restauradas
En xullo do ano pasado arderon en Valdeorras 10.500 hectáreas; xunto ao do Courel, foron os peores incendios da historia de Galicia
Vai facer un ano dos peores incendios forestais da historia de Galicia, o do Courel e o de Valdeorras. Ata esta comarca ourensá quixemos achegarnos para comprobar como algúns veciños que o perderon todo no lume xa teñen restauradas e equipadas as súas casas grazas ás axudas que a Xunta activou naquel momento.
Manolo de Candenda viu como en segundos o lume devorou a súa vivenda, perdeuno todo, quedou co posto, conta.
Tivo que marchar vivir ao Barco mentres levantaba de novo a súa casa coas axudas que habilitou a Xunta para os afectados polos incendios.
Fáltalle acabar de amoblar os dormitorios para poder regresar ao fogar. A casa de Albino, e outra da súa irmá, eran segundas vivendas, hoxe xa poden velas rematadas.
Ademais destras tres casas habitadas en Candeda calcináronse numerosas casas abandonadas. E é que o lume entrou con moita virulencia na aldea.
Pouco a pouco Candeda vai recuperando, dende o concello de Carballeda axudaron os veciños a tramitar as axudas.
En xullo do ano pasado arderon en Valdeorras 10.500 hectáreas, xunto co do Courel, foron os peores incendios da historia de Galicia. Custaralles esquecelo.
