Un café integrador en Vigo con empregados con diversidade funcional

O Diversum Café é un lugar en que podemos tomar un delicioso café ou unhas tostas de aguacate con sementes de papoula ou unha tosta cubana de lacón braseado só por poñer tres exemplos. As súas promotoras teñen fillos con discapacidade e levaban desde antes da pandemia matinando en facer un proxecto así en que traballasen os seus fillos pero con outro fin de máis longo alcance.

En Diversum todos están contentos dun lado e outro da barra. Impresiona a mirada de ilusión e de realización dos empregados, aínda que xa tivesen traballos anteriores como Alejandro e José Carlos.

O negocio está sendo un éxito. Abre todos os días mañá e tarde agás os domingos ao serán.