Un foco do escaparate provoca un incendio nunha tenda de moda de Sarria

Un incendio orixinado nun foco dun escaparate provocou danos cuantiosos nunha tenda de moda do centro de Sarria. Os bombeiros do parque comarcal sarriao foron os encargados de sufocar as lapas, que deixaron inservible parte da mercadoría e mais o cristal da fachada do negocio.

O lume declarouse cando o comercio estaba pechado ao público, polo que non houbo que lamentar danos persoais.