Un home asasina a tiros a súa exparella na localidade malagueña de Pizarra
Un home asasina a tiros a súa exparella na localidade malagueña de Pizarra
Ocorreu en plena rúa e, segundo as primeiras pescudas, o agresor suicidouse tras cometer o crime
A Garda Civil está a investigar o asasinato a tiros dunha muller de 49 anos acontecida esta madrugada no municipio malagueño de Pizarra.
Segundo fontes do caso, a veciñanza escoitou varios disparos, dos que polo menos un alcanzou a muller no peito cando estaba en plena rúa.
Outro dos proxectís impactou na fachada dunha vivenda situada a uns corenta metros. O suposto autor dos disparos é un home de 52 anos, exparella da vítima, que fuxiu do lugar dos feitos e acabou suicidándose coa mesma arma.
A parella, que tiña dous fillos en común, levaba dez anos separada. Non existían denuncias previas entre eles, pero recentemente a muller iniciara o proceso de divorcio.
A traxedia deixou conmocionado o municipio malagueño, que acaba de decretar tres días de loito e suspender todas as actividades programadas para este mes.
En caso de que se confirme como crime machista, sería a sexta muller asasinada no que vai de ano en España.
