Andalucía activa a fase de preemerxencia por risco de inundacións

A chuvia rexistrada nas últimas horas na provincia de Málaga deixaron máis de 80 litros por metro cadrado en apenas unha hora en distintos puntos do litoral. O 112 leva contabilizadas máis dun cento de incidencias por inundacións de rúas, garaxes e establecementos comerciais.

Unha gran balsa de auga obrigou a pechar a A-7 en ambos sentidos. Houbo tamén  problemas na rede secundaria de estradas, aínda que polo momento non houbo incidentes de gravidade. A maior parte concentráronse en Torremolinos, onde dende esta noite esta activado o plan de emerxencias local recomendando aos alumnos que queden na casa.

A Aemet avisa que as precipitacións tamén poden ir acompañadas de tormentas e pedrazo, polo que cómpre extremar as precaucións. Ata as nove da noite en Málaga mantense o aviso laranxa. No resto de Andalucía a alerta é amarela por chuvias, nevaradas e fenómenos costeiros.