As lapas devoran a estrutura dun viveiro en Sabarís, no concello de Baiona

Un incendio calcinou parte das instalacións da empresa Viveiros de Sabarís, en Santa Cristina da Ramallosa, no concello de Baiona. Está situada nunha zona de gran densidade poboacional.

O tellado, de estrutura plástica, ardeu con facilidade. A columna de fume era tal que a alerta ao 112 chegou de varias persoas. Dentro do viveiro había plantas, sementes e fertilizantes.

Ata o lugar trasladáronse os bombeiros do Porriño, o equipo do GES do Valmiñor, a Garda Civil e a Policía Local de Baiona. A preocupación estaba na proximidade doutras casas.