Cargando resultados...
Un incendio calcina dúas vivendas sen causar danos persoais en Culleredo
Un incendio calcina dúas vivendas sen causar danos persoais en Culleredo
Non había xente no interior pero houbo que desaloxar as casas lindeiras
O interior dunha das vivendas queimadas
G24.gal
25/05/2024 09:38
Última actualización 25/05/2024 14:53
O lume declarouse ás dez da noite do venres. Segundo informa a Axencia Galega de Emerxencias, varios particulares alertaron da presenza de fume e lapas nunha vivenda da avenida de Rueiro, no concello de Culleredo.
Ante a gravidade do incendio, os Bombeiros de Arteixo solicitaron reforzos e na extinción tamén participaron efectivos da Coruña e de Betanzos. O lume queimou dúas vivendas por completo que estaban baleiras.
Malia teren que desaloxar as casas lindeiras, non houbo persoas afectadas. Tras varias horas de intervención, os bombeiros conseguiron controlar e sufocar as lapas. Segundo explican, a orixe pode estar na cheminea dun dos inmobles afectados.
As dúas casas calcinadas polas lapas
