Un incendio na Gudiña obriga a cortar a N-525 no quilómetro 138
Un incendio na Gudiña obriga a cortar a N-525 no quilómetro 138
O tráfico estase desviando pola A-52
O incendio que dende as 17:34 horas deste venres afecta á Gudiña (Ourense), obrigou a cortar a N-525 no quilómetro 138. Os vehículos estanse desviando pola A-52.
O lume iniciouse na parroquia de Pentes e ata o momento calcinou 40 hectáreas.
Para o seu control mobilizáronse, 6 técnicos, 5 axentes, 11 brigadas, 5 motobombas, 2 pas, 8 avións e 8 helicópteros.
ACTIVO un incendio forestal no concello ourensán da Gudiña, parroquia de Pentes, que segundo as primeiras estimacións provisionais rolda as 20 hectáreas. #IFPentesAGudiña
— incendios 085 (@incendios085) August 23, 2024
A Consellería do Medio Rural lembra que está ao dispor da cidadanía o número de teléfono gratuíto 085, ao que deben chamar en caso de detectar algún incendio forestal.
Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.
