Un incendio queima parte da nave onde ensaiaba a Orquestra Panorama en Caldas

En Caldas de Reis, un incendio afecta dende as dúas da tarde unha nave industrial na zona da Condesa. É unha das naves en que a Orquestra Panorama desenvolvía parte das súas actividades, como ensaio e almacenaxe.

Ata o momento sábese que o lume produciu danos materiais tanto na nave coma en varios vehículos que estaban aparcados no seu interior.

O lume xa se dá por extinguido. Na zona aínda traballan os bombeiros do Salnés para arrefriar a nave e impedir que o lume se reproduza. Tamén participaron nos traballos efectivos de Protección Civil de varios concellos.

Polo de agora descoñécense as causas do incendio.