Un novo río atmosférico podería deixar ata 60 litros por metro cadrado en Galicia este sábado

Galicia prepárase para a entrada dun novo río atmosférico, con moita humidade, e que deixará choivas intensas sobre todo durante a madrugada do sábado ao domingo, segundo as previsións de MeteoGalicia.

As precipitacións poderán ser localmente fortes ou persistentes nas provincias atlánticas, onde poderían acumularse máis de 60 litros por metro cadrado en menos de doce horas.

Así, este sábado Galicia queda influenciada polas baixas presións e unha fronte activa atravesará a comunidade pola noite. Ademais, a Costa da Morte (A Coruña) activará o aviso amarelo por temporal costeiro. O domingo unha fronte con humidade tropical cruzará Galicia e deixará choivas localmente fortes e mesmo algunha treboada.

O mércores día 9, chegará unha nova fronte que viría producido polo furacán 'Kirk' xa que podería situarse preto da Península e afectar a Galicia en forma de borrasca.