Regalan décimos de lotaría en Lugo a quen atope camisetas agochadas pola cidade
Regalan décimos de lotaría en Lugo a quen atope camisetas agochadas pola cidade
A iniciativa é dunha librería para facer máis lúdicas as festas
Se viven en Lugo ou van visitar a cidade nos vindeiros días, queden coa imaxe desta camiseta. Se a atopan nalgún punto da capital luguesa, ademais de quedar con ela, obterán un décimo de lotaría para o sorteo de Nadal. É a iniciativa lúdica dun empresario de Lugo para facer máis amenas as festas e que os veciños se divirtan buscando as pezas de roupa.
O xogo comezou o primeiro ano da pandemia, e ata o de agora agochaban os décimos envoltos en plástico. Pero este ano quixeron facer aínda maior o premio.
Nunha árbore, debaixo dun banco, metida nun sinal... en calquera punto pode estar a sorte. Van ser 50 camisetas agochadas en diferentes puntos por case toda a cidade.
O número que regalan é o 01181, que coincide coa data de inauguración do establecemento.
