Unha avaría nun tren Alvia interrompeu dúas horas o servizo entre Galicia e Madrid

Unha avaría nun Alvia no intercambiador de Taboadela mantivo interrompida a comunicación ferroviaria máis de dúas horas entre Galicia e Madrid.

Todos os Alvia que tiñan que pasar polo cambiador sufriron atrasos, dous quedaron bloqueados na estación de Ourense e outro, que viña de Madrid, en Taboadela.

Os máis de medio milleiro de viaxeiros afectados víronse obrigados a rematar a súa viaxe en autobús.