Unha cafetería con parque de bólas para cans
A iniciativa pioneira en España e que está a ter unha grande acollida entre os clientes
O establecemento de Pontevedra completa a súa oferta cun servizo de peiteado e unha tenda de alimentación
Leva un mes aberta e esta cafetería situada en Pontevedra xa é o lugar favorito de moitas das mascotas da cidade. Os cans que a proban unha vez, queren repetir.
Un grande invento para os donos destes cans, que poden tomar o café na compañía das súas mascotas.
Ademais do parque de bólas e da cafetería, o local completa a súa oferta con outros servizos para os animais. Na planta baixa a tenda de alimentación ofrece todo tipo de produtos para os cans.
Conscientes de que as mascotas teñen cada vez un papel máis importante nos fogares, os propietarios do establecemento xa pensan en ampliar o servizo coa opción de gardería. A iniciativa é pioneira en España xa que está a ter unha grande acollida entre os clientes.
