Unha casa de Guitiriz enche de luces de nadal os 3.000 metros do seu xardín

Dende media tarde non paran de chegar visitantes á casa do Cancelo, na parroquia guitiricense dos Vilares, unha peregrinaxe motivada polos milleiros de luces de nadal cos que María Xosé adorna o xardín da súa casa.

Cada ano María Xosé e a súa familia ampliaban a decoración, e, pouco a pouco, empezou a chegar a xente atraída polas luces.

Case dous meses de motaxe e oito persoas atedendo aos 4.000 visitantes que pasan cada nadal son necesarias para esta postal.

Os millóns de luces led e os motores que manteñen as figuras fan que o gasto da luz aumente moito nestas datas, pero é tal a satisfacción que lle dá a María Xosé ver así o seu xardín, que prefire nin pensar na factura, e comprométese a manter a casa aberta ao público ata o 6 de xaneiro.