Unha curva da N-552 leva máis de catro meses coa sinalización de obra sen que empecen os traballos
Unha curva da N-552 leva máis de catro meses coa sinalización de obra sen que empecen os traballos
Reduciuse a velocidade en todo o tramo e pintáronse as liñas amarelas, o que indicaba o comezo inminente da obra
Meses despois, neste tramo con risco de afundimento todo segue igual
Os operarios da Demarcación de Estradas colocaron as barreiras a ambos os lados da vía logo de realizar catas e medicións. Ademais reduciuse a velocidade en todo o tramo e pintáronse as liñas amarelas, o que indicaba o comezo inminente da obra. Meses despois, nesta curva da N-552 todo segue igual.
Veciños e usuarios alertan da situación de perigo, xa que as fendas que atravesan a calzada están provocando o afundimento do firme.
Nin as máquinas nin os operarios volveron á estrada, que soporta o paso de milleiros de condutores que transitan entre Vigo e Redondela a diario.
